Ötən il Azərbaycanda gömrük qaydaları əleyhinə inzibati xəta faktları üzrə 1 milyon 342 min 659 manatdan çox cərimə tətbiq olunmuşdur
Bakı, 16 yanvar (AZƏRTAC). 2010-cu ildə aşkar olunmuş 16 min 951 gömrük qaydaları əleyhinə inzibati xəta faktları üzrə 509 hüquqi şəxs (o cümlədən, 153 xarici hüquqi şəxs) və 16 min 471 fiziki şəxs (o cümlədən, 10 min 569 xarici) inzibati məsuliyyətə cəlb edilmişdir.
Dövlət Gömrük Komitəsinin (DGK) mətbuat xidmətindən AZƏRTAC-a bildirmişlər ki, göstərilən şəxslərə qarşı 1 milyon 342 min 659 manatdan çox cərimə tətbiq olunmaqla, dəyəri 179 min 143 manat olan mallar müsadirə edilmişdir.
Gömrük qaydaları əleyhinə inzibati xətalar əsasən malların və nəqliyyat vasitələrinin vaxtında çatdırılmaması, gömrük sərhədindən gömrük nəzarətindən gizli və kənar keçirilməsi, bəyan edilməməsi və ya düzgün bəyan edilməməsi, müvəqqəti idxalı, aksiz markasız idxalı, gömrük ödənişlərindən yayınma ilə əlaqədar olmuşdur.
Bölmənin digər xəbərləri
