Ötən il istehsalatla əlaqəli sayılmış 610 bədbəxt hadisənin təhqiqatı aparılıb
Bakı, 22 yanvar, AZƏRTAC
Ötən il Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) istehsalatla əlaqəli sayılmış 610 bədbəxt hadisənin təhqiqatını aparıb. 36-sı qrup halında olan bu hadisələr nəticəsində 75 nəfər vəfat edib, 605-i isə müxtəlif dərəcəli bədən xəsarəti alıb.
AZƏRTAC xəbər verir ki, bunu DƏMX-in rəisi Vəli Quliyev “Əmək qanunvericiliyinə əməl olunmasına dövlət nəzarətinin həyata keçirilməsi, əmək münasibətlərinin elektronlaşdırılması sahəsində ötən ildə görülmüş işlər və 2026-cı ilin hədəfləri” mövzusunda keçirilən mətbuat konfransında deyib.
Onun sözlərinə görə, istehsalatda baş vermiş bədbəxt hadisələrin təhqiqatı nəticəsində 588 nəfər zərərçəkmiş şəxsə “İZ” (istehsalat zədəsi) formalı aktın verilməsi təmin olunub.
Bölmənin digər xəbərləri
