Özbəkistan nümayəndəsi: WUF13 urbanizasiya sahəsində təcrübə mübadiləsinə şərait yaradır
Bakı, 20 may, AZƏRTAC
Özbəkistan Milli Urbanizasiya Komitəsinin nümayəndəsi Əziz Arkabayev Ümumdünya Şəhərsalma Forumunun 13-cü Sessiyası (WUF13) çərçivəsində AZƏRTAC-a müsahibəsində WUF13 və oxşar beynəlxalq tədbirlərin əməkdaşlığın inkişafında və təcrübə mübadiləsində mühüm rol oynadığını qeyd edib.
O, bu qəbildən olan platformaların insanları və ölkələri bir araya gətirdiyini, həmçinin iştirakçılara dünyanın müxtəlif bölgələrindəki mövcud vəziyyətlər haqqında məlumat əldə etməyə imkan verdiyini bildirib.
Agentliyin həmsöhbəti forumun urbanizasiya, dayanıqlı mənzil təminatı və təhlükəsizliyin təmin edilməsinə, habelə iqlim dəyişikliyinə dayanıqlılığın artırılmasına yönəlmiş təşəbbüslər sahəsində ən yaxşı təcrübələri öyrənmək baxımından yaxşı imkanlar yaratdığını vurğulayıb.
Müxbir – Tamilla Məmmədova
Bölmənin digər xəbərləri
