Türkmənistan təmsilçisi: WUF13-də Türk Dövlətləri Təşkilatının vahid stendinin yer alması sevindiricidir
Bakı, 20 may, AZƏRTAC
WUF13-ün təşkilatçılıq səviyyəsini yüksək qiymətləndirirəm. Burada bir çox ölkənin stendlərinin yer aldığı geniş sərgi pavilyonu fəaliyyət göstərir. Eyni zamanda, Bakı Olimpiya Stadionunun daxilində dialoqlar, konfranslar, mətbuat nümayəndələri və ictimai təşkilatlar üçün hər cür şəraitə malik çox funksional zallar qurulub. Dünyanın hər yerində olduğu kimi, burada da QHT-lər insanların həyat şəraitinin ildən-ilə yaxşılaşdırılması istiqamətində çox aktiv çalışırlar.
Bu fikirləri AZƏRTAC-a açıqlamasında Türkmənistanın "Tebigy Kuwwat" (Təbii Qüvvət) ictimai təşkilatının təmsilçisi Berkeli Atayev bildirib.
"WUF13-də Türk Dövlətləri Təşkilatının (TDT) vahid stendinin yer alması bizi çox sevindirir. O cümlədən doğma ölkəmiz Türkmənistanın da stendi bu sərgi pavilyonunda yüksək səviyyədə təqdim olunub", - deyə o əlavə edib.
Bölmənin digər xəbərləri
