Dünya Bankı: Azərbaycanın mövqeyi təcrübə mübadiləsi üçün böyük üstünlük yaradır
Bakı, 20 may, AZƏRTAC
Düşünürəm ki, bu forum çox vacibdir, çünki təcrübə və fikir mübadiləsi imkanı yaradır. Dünyanın müxtəlif regionlarından öyrəniləcək çox şey var və insanlar da bir-birilərindən öyrənməlidirlər.
Bu sözləri AZƏRTAC-a açıqlaması zamanı Dünya Bankının şəhər inkişafı üzrə baş mütəxəssisi Mohamed Nada Bakıda keçirilən Ümumdünya Şəhərsalma Forumunun 13-cü Sessiyası (WUF13) barədə danışarkən deyib.
Onun sözlərinə görə, Latın Amerikası vətəndaşların proseslərə cəlb olunması və yerli inkişafın maliyyələşdirilməsində uğurlu təcrübələrə malikdir.
“Bu regionda isə turizmin yerli iqtisadi inkişaf və dayanıqlı şəhərsalma üçün vacib rol oynadığı görünür. Burada həm də şəhərlərin iqlim dəyişikliklərinə uyğunlaşması əsas müzakirə mövzusudur. Məncə, şəhərlər bir-birindən öyrənməlidir və forumun əsas məqsədi də budur. Azərbaycan isə Şərqlə Qərbin qovşağında yerləşir və bu, ideya, təcrübə mübadiləsi üçün böyük üstünlük yaradır”, - deyə Mohamed Nada deyib.
Bölmənin digər xəbərləri
