“Save the Children”: Gələcəyin şəhərləri uşaqların tələbatı nəzərə alınmaqla planlaşdırılacaq
Bakı, 20 may, AZƏRTAC
Növbəti 10-20 il ərzində uşaqlara yönəlmiş şəhərsalma bu sahədə qlobal proseslərin əsas diqqət mərkəzində olacaq. Bu gün əksər uşaqlar şəhər və qəsəbələrdə böyüyür və onların inkişafı birbaşa şəhər mühitindən asılıdır.
Bu barədə AZƏRTAC-a açıqlamasında “Save the Children” təşkilatının Qlobal Şəhərlər Proqramı üzrə məsul şəxsi və Qlobal Alyans – “Cities4Children”in sədri Sara Sabri bildirib.
“Şəhərlər uşaqların sağlam, təhlükəsiz və xoşbəxt böyüməsini təmin etməlidir. Bu, səhiyyə imkanlarının yaxşılaşdırılması, şəhərdə hərəkət etmək üçün təhlükəsiz mühitin yaradılması və kifayət qədər ictimai məkanların təmin edilməsi deməkdir”, - deyə ekspert qeyd edib.
Onun sözlərinə görə, hər bir uşaq yaşadığı şəhərdə özünü təhlükəsiz, dəyərli və hörmətli hiss etməlidir.
Müxbir – Tamilla Məmmədova
Bölmənin digər xəbərləri
