Aleksey Lavrinenko: Dağlıq ərazilərin inkişafı üçün davamlı dövlət dəstəyi mexanizmləri formalaşdırılmalıdır
Bakı, 20 may, AZƏRTAC
Dağlıq yaşayış məntəqələrinin inkişafı nəqliyyat, enerji, səhiyyə və rəqəmsal kommunikasiya sahələrində kompleks yanaşmaların tətbiqini tələb edir.
AZƏRTAC xəbər verir ki, bu fikirləri Rusiya Federasiyası Federal Məclisi Dövlət Dumasının Aqrar məsələlər komitəsinin üzvü, MDB Parlamentlərarası Assambleyasının Aqrar siyasət, təbii ehtiyatlar və ekologiya üzrə daimi komissiyası sədrinin müavini Aleksey Lavrinenko Ümumdünya Şəhərsalma Forumunun 13-cü Sessiyası (WUF13) çərçivəsində keçirilən “Dağ yaşayış məntəqələrinin davamlı inkişafı” mövzusunda tədbirdə çıxışı zamanı səsləndirib.
O bildirib ki, dağlıq ərazilərin əlçatmazlığı həmin bölgələrdə yaşayan əhalinin sosial təminatı baxımından ciddi çətinliklər yaradır.
“Bu ərazilərdə nəqliyyat, enerji, tibbi xidmət və digər mühüm sahələr üzrə təminat məsələləri xüsusi aktuallıq daşıyır. Eyni zamanda, mədəni mərkəzlərdən uzaqlıq, rəqəmsal və digər müasir kommunikasiya vasitələrinin çatışmazlığı da mühüm problemlərdəndir. Bu mürəkkəb problemlərin həlli üçün dövlət və bələdiyyə idarəetməsində xüsusi yanaşmalar və mexanizmlər formalaşdırılmalıdır”, – deyə o bildirib.
Bölmənin digər xəbərləri
