Özbəkistanda COVID-19 koronavirusuna yoluxanların sayı 1692 nəfərdir
Daşkənd, 22 aprel, АZƏRTAC
Özbəkistanda COVID-19 koronavirusuna yoluxanların sayı son sutka ərzində 1692 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, indiyədək 357 nəfər sağalıb, 6 xəstə ölüb.
Özbəkistan Nazirlər Kabineti yanında Operativ Qərargahın məlumatına görə, son 24 saat ərzində sağalanların sayında nəzərəçarpacaq dərəcədə artım var (96), xəstəliyə yoluxanların sayında isə azalma qeydə alınıb. Belə ki, son sutka ərzində 35 nəfər bu virusa yoluxub.
Bildirilir ki, Özbəkistanda stasionar və ev şəraitində karantində təxminən 90 min adam var.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
