Pakistan həbsxanalarından 221 əfqan məhbus azad edilərək ölkələrinə qaytarılıb
Bakı, 15 yanvar, AZƏRTAC
Son bir həftə ərzində Pakistan həbsxanalarından ümumilikdə 221 Əfqanıstan vətəndaşı azadlığa buraxılaraq təhlükəsiz şəkildə öz ölkələrinə qayıdıb.
AZƏRTAC xəbər verir ki, bu barədə Pakistanın Qaçqınlar və Repatriasiya Nazirliyi məlumat yayıb. Bildirilib ki, əsasən qanuni sənədlərin olmaması ittihamı ilə Pakistanın müxtəlif saxlanma müəssisələrində tutulan məhbuslar Cənubi Qəndəhar əyalətində yerləşən Spin Boldak sərhəd-keçid məntəqəsindən keçərək Əfqanıstana daxil olublar. Nazirliyin məlumatına görə, azad edilən şəxslərə sərhəddə dərhal humanitar yardım göstərilib.
Əfqanıstan Xarici İşlər Nazirliyinin ötən ilin iyul ayında açıqladığı məlumata əsasən, hazırda 10 mindən çox Əfqanıstan vətəndaşı xarici ölkələrdə, əsasən qonşu İran və Pakistanda həbsdə saxlanılır.
Bölmənin digər xəbərləri
