Pakistanda sərnişin daşıyan yük avtomobilinin körpüdən aşması nəticəsində 14 nəfər ölüb
Bakı, 17 yanvar, AZƏRTAC
Pakistanın Pəncab əyalətində sərnişin daşıyan yük avtomobilinin duman səbəbindən körpüdən aşması nəticəsində qadınlar və uşaqlar da daxil olmaqla ən azı 14 nəfər həlak olub.
AZƏRTAC Pakistan mediasına istinadla xəbər verir ki, hadisə gecə saat 2 radələrində əyalətin Sarqodha rayonundakı Qalapur Bangla körpüsündə baş verib.
Pəncab xilasetmə qurumunun məlumatına görə bədbəxt hadisə baş verən zaman yük maşını İslamabaddan Faysalabada dəfn mərasimi üçün gedirmiş. Avtomobildə 23 sərnişin olub.
Hadisə nəticəsində bir neçə nəfər də xəsarət alıb. Onlar yaxınlıqdakı tibb mərkəzlərinə yerləşdirilib.
Bölmənin digər xəbərləri
