PALÇIQ VULKANLARI BARƏDƏ YENİ ELMİ NƏŞR
Son iki ildə, xüsusilə 2000-ci ilin noyabrındakı zəlzələdən sonra palçıq vulkanlarının fəallığı xeyli artmışdır. Belə ki, təkcə 2001-ci ildə Abşeron yarımadasında, Qobustanda və Xəzər dənizində 8 vulkan püskürməsi qeydə alınmışdır. Bu baxımdan Milli Elmlər Akademiyası Geologiya İnistitutunun “Nafta-press” nəşriyyatında çapdan buraxdığı “1810-2001-ci ilər ərzində Azərbaycanda qeydə alınmış palçıq vulkanları püskürmələrinin kataloqu” böyük maraq doğurur.
Nəşrin müəllflərindən biri və redaktoru Geologiya İnistitutunun palçıq vulkanizmi laboratoriyasının rəhbəri, geologiya- mineralogiya elmləri doktoru Adil Əliyev AZƏRTAC-ın müxbiri ilə söhbətində bildirmişdir ki, kataloq belə əhatəli şəkildə ilk dəfə nəşr olunur. Rus və ingilis dillərində çap olunmuş kitabda Azərbaycanda palçıq vulkanizmi və vulkanların fəaliyyətinin məhsulları haqqında məlumat verilir. Kataloqda son 200 ildə Azərbaycanda və Xəzər akvatoriyasında 76 palçıq vulkanında qeydə alınmış 288 püskürmə qısaca şərh olunur, püskürmə prosesinin özünün bəzi səciyyəvi xüsusiyyətləri nəzərdən keçirilir.
Bölmənin digər xəbərləri
