“Para” BOKT 365 nəfərə ərzaq yardımı edib
Bakı, 22 aprel, AZƏRTAC
Həssas qruplara dəstək göstərən təşkilatların sırasına “Para” Bank Olmayan Kredit Təşkilatı (BOKT) Açıq Səhmdar Cəmiyyəti də qoşulub.
Əmək və Əhalinin Sosial Müdafiəsi Nazirliyinin İctimaiyyətlə əlaqələr və kommunikasiya şöbəsindən AZƏRTAC-a bildiriblər ki, nazirlik tərəfindən hazırda evlərində sosial xidmətlərlə təmin edilən tənha yaşlı və tənha əlilliyi olan şəxslərdən 365 nəfərə “Para” BOKT tərəfindən ərzaq payları verilib. Ərzaq yardımları sosial xidmətçilərlə birgə həmin insanların evlərinə aparılaraq təqdim edilib.
Bu kimi sosial aksiyalar yaşlı nəslə, həssas qruplardan olan insanlara diqqət və qayğının təzahürü olmaqla cəmiyyətimizdə xeyirxahlıq ənənələrinin davam etdiyini göstərir.
Bölmənin digər xəbərləri
