Peşə təhsilinin inkişafına Avropa İttifaqının dəstəyi layihəsi davam edir
Bakı, 25 fevral, AZƏRTAC
Azərbaycan Respublikasının Təhsil Nazirliyi yanında Peşə Təhsili üzrə Dövlət Agentliyi ilə əməkdaşlıq çərçivəsində peşə təhsili və təliminin inkişafına Avropa İttifaqının dəstəyi ilə texniki yardım layihəsi həyata keçirilir.
Agentlikdən AZƏRTAC-a bildirilib ki, 33 ayı əhatə edən layihə Avropa İttifaqı tərəfindən maliyyələşdirilir. 2017-ci il yanvarın 9-da start götürən layihə 2019-cu ilin oktyabrında yekunlaşacaq.
Layihə peşə təhsili və təlimində tənzimləyici bazanın, mərkəzi və yerli səviyyələrdə sektor üzrə əlaqələndirmənin təkmilləşdirilməsini, peşə standartları ilə bağlı 10 kurikulumun işlənib hazırlanmasını və onların prioritet sahəyə tətbiqini, islahatlar üzrə monitorinqin həyata keçirilməsində Təhsil Nazirliyinə dəstək göstərilməsini hədəf götürüb.
Bütün bu işlərin əsas qayəsi məzunların işlə təmin olunması imkanlarının genişləndirilməsi və peşə təhsilinə marağın artırılmasıdır.
Bölmənin digər xəbərləri
