POLŞA ƏFQANISTANDAKI HƏRBİ KONTİNGENTİNİ ON DƏFƏ ARTIRMAQ NİYYƏTİNDƏDİR

15.09.2006 [14:06]
Çap et
A⁺ A^-

AZƏRTAC İTAR-TASS-a istinadla xəbər verir ki, Polşa 2007-ci ilin fevralında Əfqanıstanda öz hərbi kontingentini min nəfərədək artırmaq niyyətindədir. Bunu ABŞ-da səfərdə olan Polşanın milli müdafiə naziri Radoslav Sikorski bildirmişdir.

Hazırda Əfqanıstanda Polşanın təxminən 100 əsgər və zabiti xidmət edir. Polşa naziri demişdir ki, Əfganıstanda Polşanın hərbi kontingenti sayca ABŞ, Böyük Britaniya və Almaniya kontingentlərindən sonra dördüncü olacaqdır. Bu barədə qərar Polşa hökumət nümayəndə heyətinin hələ ABŞ-a səfərindən əvvəl, NATO-nun baş katibi ilə məsləhətləşmələrdən sonra qəbul olunmuşdur.

Polşa batalyonu Bəhram bazasında yerləşdiriləcək və əsasən, Əfqanıstanın şərq rayonlarında hərbi əməliyyatlarda iştirak edəcəkdir.