Polşa ictimaiyyəti Azərbaycanın idman nailiyyətləri barədə məlumatlandırılıb
Bakı, 19 aprel, AZƏRTAC
Azərbaycan Xalq Cümhuriyyətinin 100 illik yubiley tədbirləri çərçivəsində səfir Həsən Həsənov Polşanın televiziya məkanında 10 ildən çox müddətdə fəaliyyət göstərən TVP Sport kanalına müsahibə verib.
Azərbaycanın Polşadakı səfirliyindən AZƏRTAC-a bildiriblər ki, səfir ölkəmizin idman sahəsində keçdiyi inkişaf yolu, bugünkü nailiyyətləri, Azərbaycanda təşkil olunan mötəbər idman yarışları, idmançılarımızın ölkəmizdə və xaricdə əldə etdiyi uğurlar haqqında ətraflı məlumat verib. O, müstəqilliyini bərpa etdikdən sonra uğurlarımızın daha da artığını, dövlət səviyyəsində göstərilən dəstəyi xüsusilə vurğulayıb.
Müsahibə zamanı, həmçinin Azərbaycanın idman sahəsində inkişafını nümayiş edən videoçarx da təqdim edilib.
Bölmənin digər xəbərləri
