“Porsche” avtomobillərinin satışı son 16 ilin minimumuna enib
Bakı, 16 yanvar, AZƏRTAC
“Volkswagen” konserninin lüks brendi olan “Porsche”nin avtomobil satışları ötən il 10 faiz azalıb. Bu, 2009-cu ildən bəri ən böyük azalmadır.
AZƏRTAC xarici mediaya istinadla xəbər verir ki, şirkət keçən il 279 min 449 avtomobil satıb. Satışların geriləməsi elektrik mühərrikli nəqliyyat vasitələrinə tələbatın azalması, eləcə də Çində tələbin zəif olması fonunda baş verib.
Bundan başqa, 718 idman avtomobilinin və “Macan” SUV-nin daxili yanma mühərrikli versiyalarında təchizat çatışmazlığının da satışların azalmasına təsir göstərdiyi bildirilib.
Bölmənin digər xəbərləri
