Prezident Ərdoğan: Ankara Türkiyənin tərəqqisi yolundakı maneələrə imkan verməyəcək
Ankara, 19 mart, AZƏRTAC
Türkiyə etibarlı əllərdədir, təhlükəsiz mühitdə yaşayır və qarşıya qoyduğu məqsədlərə doğru qətiyyətlə irəliləyir.
AZƏRTAC xəbər verir ki, bu barədə Türkiyə Prezidenti Rəcəb Tayyib Ərdoğanın Ramazan bayramı münasibətilə həmvətənlərinə göndərdiyi videomüraciətdə deyilir.
Dövlət başçısı əmin edib ki, Ankara Türkiyənin tərəqqisinə mane olan hər hansı bir əngəli aradan qaldırmaq üçün yorulmadan çalışmağa davam etməyə hazırdır.
O, Türkiyənin yerləşdiyi bölgədəki böhranlara diqqət çəkib və qeyd edib ki, fevralın 28-dən bəri qonşu İrana endirilən zərbələr və Tehranın bunun ardınca üçüncü ölkələrə qarşı cavab raket və pilotsuz uçuş aparatları ilə hücumları gərginliyi daha da artırıb.
Prezident Ərdoğanın videomüraciəti bu sözlərlə davam edib: “Belə bir narahatedici vəziyyətdə 86 milyon Türkiyə vətəndaşı qarşısında daşıdığımız məsuliyyəti dərk edərək ayıq-sayıq qalırıq və ölkəmizin maraqları naminə bütün lazımi tədbirləri görürük. Ölkənin hava məkanının pozulmasına qarşı qətiyyətli mövqeyimizi qoruyuruq və dövlətin və onun sakinlərinin təhlükəsizliyini gücləndirmək üçün addımlar atmağa davam edirik”.
Bölmənin digər xəbərləri
