Qabriel Attal Fransa siyasətini xarabalıq adlandırıb
Paris, 27 yanvar, AZƏRTAC
Fransa Milli Assambleyasında (Parlamentin aşağı palatası – red.) “Renessans” fraksiyasının sədri Qabriel Attal RTL radiosunda çıxışı zamanı ölkədəki siyasi vəziyyəti kəskin tənqid edərək bildirib ki, parlamentin buraxılmasından sonra Fransa siyasəti xarabalığa çevrilib.
AZƏRTAC xəbər verir ki, 2017-ci ildən bəri hakimiyyətdə olan siyasi düşərgənin nümayəndəsi mövcud vəziyyəti hər hansı siyasi məsuliyyətdən kənar, klinik və obyektiv müşahidə kimi təqdim etdiyini bildirib. Onun sözlərinə görə, bu qiymətləndirmə indiki siyasi mənzərənin real təsviridir.
2027-ci il prezident seçkiləri ilə bağlı məsələdə isə Attal ehtiyatlı mövqe nümayiş etdirib, hələlik namizədliyini elan etməyəcəyini vurğulayıb. Ədliyyə naziri Jerald Darmanenin 2027-ci illə bağlı planlarına münasibət bildirən Attal bildirib ki namizədlikdən əvvəl layihə olmalıdır.
Yaxınlaşan bələdiyyə seçkiləri ilə bağlı danışan Attal bu seçkiləri prezidentlik yarışına gedən yolda vacib mərhələ kimi dəyərləndirib. O, “Renessans”ın Parisdə Pierre-İv Burnazeli dəstəkləyəcəyini təsdiqləyib. Siyasətçi ikinci turda mümkün ittifaqlarla bağlı mövqe bildirməkdən çəkinib.
Beynəlxalq siyasətə toxunan Attal Fransanın aydın və şərti multilateralizm xəttini müdafiə edib. Onun fikrincə, Paris beynəlxalq hüququn icrasını təmin edəcək real mexanizmlərə malik olmadan çıxış etdikcə, öz etibarlılığını zəiflədir.
Attal Donald Trampın metodlarından ilham alıb-almadığı ilə bağlı sualı cavablandırmaqdan imtina edib.
Bölmənin digər xəbərləri
