“Qarabağda Harvardı necə quraq?” mövzusunda silsilə müzakirələr başlayır
Bakı, 23 noyabr, AZƏRTAC
Təhsil İdarəçiləri Assosiasiyası və “T-NETWORK” təhsil işçilərinin təcrübə və kommunikasiya platforması “Qarabağda Harvardı necə quraq?” başlıqlı silsilə müzakirələrə başlayır.
“T-NETWORK”dan AZƏRTAC-a bildirilib ki, məqsəd ölkəmizdə dünya səviyyəli ali təhsil müəssisəsi qurmağın yollarını mütəxəssislərlə müzakirə etmək, yol xəritəsi təqdim etməkdir.
“Qarabağda Harvardı necə quraq?” silsilə müzakirələrin ilk qonağı Amerikanın Sirakus Universitetində doktorantura təhsili almış, hazırda fəaliyyətinə ADA universitetində müəllim və Dağlıq Qarabağın Azərbaycanlı İcması İctimai Birliyində İdarə Heyətinin sədr müavini olaraq davam edən Gülməmməd Məmmədov olacaq.
Noyabrın 23-ü saat 21:00-da baş tutacaq müzakirə Təhsil İdarəçiləri Assosiasiyasının (TİA) həmtəsisçisi və T-NETWORK platformasının inkişaf və tədqiqat üzrə baş mütəxəssisi Qoşqar Məhərrəmovun təqdimatında TİA Facebook səhifəsindən (https://www.facebook.com/aea.az) canlı yayımlanacaq.
Bölmənin digər xəbərləri
