Qaxda şahmat üzrə respublika birinciliyinin zona yarışlarına yekun vurulub
Qax, 23 oktyabr, Mustafa Dadaşov, AZƏRTAC
“Təhsil” Respublika İdman Mərkəzinin şahmat üzrə Respublika birinciliyinin Qax şəhərində keçirilən zona yarışlarına yekun vurulub. Oktyabrın 15-də Qax Uşaq-Gənclər İdman-Şahmat Məktəbində startı verilən yarışda Balakən, Zaqatala, Qax, Şəki, Oğuz, Qəbələ, İsmayıllı rayonlarının Uşaq-Gənclər İdman-Şahmat məktəblərini və Bakı şəhər 4 nömrəli İxtisaslaşdırılmış Olimpiya Ehtiyatları Uşaq-Gənclər Şahmat Məktəbini təmsil edən 85 oğlan və qız şahmatçı mübarizə aparıb.
AZƏRTAC-ın bölgə müxbiri xəbər verir ki, 6 yaş qrupu üzrə keçirilən zona yarışının yekun nəticələrinə əsasən, hər yaş qrupunda 1-ci və 2-ci yeri tutan şahmatçılar dekabrın 4-14-də Bakı şəhərində keçiriləcək respublika birinciliyinin final mərhələsinə vəsiqə qazanıblar. Zona yarışının qalibləri medal və diplomlarla mükafatlandırılıblar.
Bölmənin digər xəbərləri
