Qazaxıstan dağlarında gecə əməliyyatı: uşaqlı ailə qarın altında tapılıb
Astana, 24 mart, AZƏRTAC
Almatı vilayətinin Şonji qəsəbəsi yaxınlığındakı istirahət zonasından çıxıb Almatı tərəfə gedən dörd nəfərdən ibarət ailə - iki böyük və iki uşaqla əlaqə kəsilib.
AZƏRTAC Qazaxıstan Fövqəladə Hallar Nazirliyinə istinadən xəbər verir ki, ailə başçısının telefonunun kəsilməsi, dağlarda isə mürəkkəb qar şəraitinin davam etməsi vəziyyətin mürəkkəbləşməsinə səbəb olub.
Almatı bölgəsindən olan xilasedicilər bütün gecə axtarış aparıblar. Telefon zənglərini araşdırarkən və Bartoqay su anbarı ərazisində axtarış apararkən səhər saat 5-də itkin düşmüş insanları Assı yaylasının yaxınlığında aşkar etdilər - ailənin “SUV”ı qarda ilişib qalmışdı. Heç kimin tibbi yardıma ehtiyacı olmadığını təsdiqlədikdən sonra xilasedicilər nəqliyyat vasitəsini təmizlənmiş yolun bir hissəsinə çəkiblər.
Fövqəladə Hallar Nazirliyi xəbərdarlıq edib ki, dağlıq ərazidən marşrut planlaşdırarkən hava şəraiti və yolların vəziyyəti nəzərə alınmalıdır.
Bölmənin digər xəbərləri
