Qazaxıstanda sərt karantin məhdudiyyətləri qüvvəyə minib
Nur-Sultan, 20 iyun, AZƏRTAC
Qazaxıstanda iyunun 20-21-də sərt karantin məhdudiyyətləri tətbiq olunacaq. AZƏRTAC xəbər verir ki, bu, Qazaxıstanda koronavirusun yayılmasının artması ilə əlaqədardır. Nur-Sultan, Almatı, Qaraqanda, Çimkənt, Pavlodar və Ekibastuz şəhərlərində ticarət və əyləncə mərkəzlərinin, ticarət evlərinin, mağaza şəbəkələrinin, qeyri-ərzaq və ərzaq bazarlarının, ictimai nəqliyyatın və s. fəaliyyəti dayandırılıb.
Qeyd edək ki, son bir neçə həftə ərzində Qazaxıstanın bəzi bölgələrində karantin yenidən gücləndirilib. Ölkədə infeksiya və ölüm hallarında artım müşahidə olunur. İyunun 19-da koronavirusun asimptomatik daşıyıcıları rekord həddə çataraq 7609 nəfər olub.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
