Qazaxıstandan qaz tranzitinin həcmi cari ilin beş ayı ərzində 30 milyard kubmetri keçib
Astana, 7 iyul, AZƏRTAC
2026-cı ilin ilk beş ayında Qazaxıstan ərazisindən qaz tranzitinin faktiki həcmi 30,3 milyard kubmetr təşkil edib.
AZƏRTAC xəbər verir ki, bu məlumat Qazaxıstan Respublikası Energetika Nazirliyinin hökumətin iclası üçün hazırladığı hesabatda təqdim olunur.
Təqdim olunan məlumata görə, ölkənin tranzit potensialı artır. 2025-ci ilin sonuna qədər “mavi yanacağın” tranzit həcmi 70,4 milyard kubmetr təşkil edib və 2026-cı il üçün plan 73,3 milyard kubmetr olaraq müəyyən edilib.
Hesabatda, həmçinin daxili bazar üçün tədarük olunan qaz hasilatının dinamikası da əks olunub. Onun həcminin 2025-ci ildəki 27,4 milyard kubmetrdən 2032-ci ilə qədər 35,5 milyard kubmetrə qədər - 29,6 faiz artacağı proqnozlaşdırılır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
