Qazaxıstanın xarici işlər naziri: Biz türkdilli ölkələrlə münasibətlərə böyük əhəmiyyət veririk
Nur-Sultan, 8 yanvar, AZƏRTAC
Qazaxıstan türkdilli ölkələrlə münasibətlərin yaxşılaşdırılmasına böyük diqqət yetirir.
AZƏRTAC xəbər verir ki, bunu Qazaxıstanın xarici işlər naziri Muxtar Tiluberdi yerli mətbuata müsahibəsində bildirib.
Nazir deyib ki, Qazaxıstan çoxtərəfli və dostluq münasibətlərinə əsaslanan xarici siyasət yürüdür. M.Tileuberdi ölkəsinin bu kontekstdə beynəlxalq aləmdə etibarlı tərəfdaşa çevrildiyini vurğulayıb.
Bildirilib ki, bütün dünya virusla bağlı ciddi sınaq qarşısında qaldığı vaxtda türkdilli ölkələr COVID-19-la birlikdə mübarizə aparıblar.
“Qazaxıstan ümumi tarixi, qardaş dilləri və mədəniyyəti ilə bir-birinə bağlı olan türkdilli ölkələrlə münasibətlərin inkişafına böyük diqqət yetirir”, - deyə xarici işlər naziri qeyd edib.
İlahə Əhmədova
AZƏRTAC-ın xüsusi müxbiri
Nur-Sultan
Bölmənin digər xəbərləri
