Qazaxıstanın yeni Konstitusiyası üzrə referendumda səsvermə başa çatıb
Astana, 15 mart, AZƏRTAC
Qazaxıstanda yeni Konstitusiya layihəsi üzrə referendumda səsvermə başa çatıb və səslərin sayılmasına başlanılıb.
AZƏRTAC xəbər verir ki, səsvermə yalnız xarici ölkələrdə davam edir.
Xatırladaq ki, bu gün Qazaxıstanda yeni Konstitusiya layihəsi üzrə ümumxalq referendumu keçirilib. Prezident Kasım-Jomart Tokayev müvafiq fərmanı 11 fevralda imzalayıb. Vətəndaşlardan “Qazaxıstan Respublikasının yeni Konstitusiyasını qəbul edirsinizmi?” sualına cavab vermələri istənilib.
Layihəyə əsas düzəlişlər 145 deputatdan ibarət birpalatalı parlamentin - Kurultayın təsis edilməsi, vitse-prezident institutunun və Qazaxıstan Xalq Şurasının yaradılmasını əhatə edib. Referendum iştirakçılarının siyahısına ümumilikdə 12.461.796 vətəndaş daxil edilib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
