“QƏLƏM VƏ MİKROFON”
“Hüquq ədəbiyyatı” nəşriyyatı Azərbaycanın əməkdar jurnalisti Aqşin Babayevin “Qələm və mikrofon” adlı kitabını nəfis şəkildə çapdan buraxmışdır. Kitab “Heydər Əliyevin jurnalistika məktəbi” sərlövhəli məqalə ilə açılır. Burada müəllif Azərbaycan Prezidentinin kütləvi informasiya vasitələrinin nümayəndələrinə verdiyi dəyərli tövsiyyələri, göstərdiyi böyük qayğını və daimi diqqəti konkret misallarla əks etdirmişdir.
Aqşin Babayevin bu kitabında onun müxtəlif illərdə dövri mətbuatda dərc olunmuş “Respublikamızda informasiya fəaliyyətinin hüquqi təminatı”, “Azərbaycanı dünya eşidir”, “Azərbaycana istiqamətlənən xarici radiostansiyaların xüsusiyyətləri”, “Körpü”dən başlanan yol” və başqa yazılalrı da toplanmışdır.
Kitabın “Radio tilsimli dünyadır” bölməsində isə müəllif radioda işlədiyi illər ərzində Bülbül, Niyazi, Rəşid Behbudov, Qara Qarayev, Fikrət Əmirov, Əliağa Vahid kimi sənət və ədəbiyyat xadimlərimizlə görüşlərindən söz açır.
Kitabın redaktoru və ön sözün müəllifi hüquqşünas-jurnalist, “Qızıl qələm” mükafatı laureatı Eldar Əfəndiyevdir.
Bölmənin digər xəbərləri
