QEYRİ-LEQAL GƏLMƏLƏR RUSİYAYA BÖYÜK MƏBLƏĞDƏ ZİYAN VURURLAR
O demişdir ki, MDB ölkələrindən olan miqrantlar dövlət nəzarəti sistemindən yan keçərək, Rusiyadan hər il 10 milyard dollardan artıq pul aparırlar. Onların qeydiyyatdan keçirilən pul köçürmələri isə üç milyard dollardan bir qədər artıqdır. Romodanovski vurğulamışdır ki, Rusiya qeyri-leqal miqrasiyanı milli təhlükəsizliyə qorxu hesab edir.
FMX başçısı qeyd etmişdir ki, bir tərəfdən, Rusiyada miqrasiya cazibədarlığı üçün şərait yaradılır, digər tərəfdən isə, qeyri-leqal miqrasiyanın qarşısını almaq üçün qəti tədbirlər görülür.
Onun sözlərinə görə, hazırda Rusiyada təxminən 10 milyon qeyri-leqal miqrant var və onlar, əsasən, keçmiş SSRİ respublikalarının vətəndaşlarıdır.
Bundan əvvəl Romodanovski bu problem barədə parlament dinləmələrində bildirmişdi ki, ölkə ərazisində cəmi 700 min miqrant rəsmən qeydə alınmışdır. Bu cür vəziyyət müxtəlif şirkətlər üçün sərfəlidir, onlar qeyri-leqalların əməyindən istifadə edərək, ildə 80-100 milyard rubl mənfəət götürürlər.
Bölmənin digər xəbərləri
