SİYASƏT
Qırğızıstan telekanalında Azərbaycanın müstəqilliyinin 104-cü ildönümü ilə bağlı videomaterial yayımlanıb
Bişkek, 30 may, АZƏRTAC
Qırğızıstanın “Piramida” dövlət televiziya kanalının “Dostluq körpüsü” proqramında Azərbaycanın müstəqilliyinin 104-cü ildönümü ilə bağlı videomaterial yayılıb.
AZƏRTAC xəbər verir ki, soydaşlarımız Hökümə Xəlilova və Ramiz Məşədihəsənlinin müəllifi və aparıcısı olduqları proqramda Azərbaycanın yenidən müstəqilliyinin qazanılması, onun ümummilli lider Heydər Əliyev tərəfindən möhkəmləndirilməsi və inkişafı, 44 günlük Vətən müharibəsində Azərbaycan Prezidenti, Ali Baş Komandan İlham Əliyevin başçılığı ilə xalqın birliyi, bunun sayəsində qələbənin əldə edilməsindən danışılıb.
Verilişdə, həmçinin ICESCO-nun Baş direktorunun Azərbaycana səfəri çərçivəsində BDU-da keçirdiyi görüşlər haqqında da videomaterial diqqətə çatdırılıb.
Qulu Kəngərli
AZƏRTAC-ın xüsusi müxbiri
Bişkek