QMİ sədrinin müavini: Azərbaycan həmişə müxtəlif din mənsublarına xüsusi ehtiramla yanaşıb
Bakı, 5 noyabr, AZƏRTAC
Azərbaycan həmişə müxtəlif din mənsublarına, dini etiqad nümayəndələrinə qucaq açıb, xüsusi ehtiramla yanaşıb. Bəzən fikirlər səslənirdi ki, dözümlülük vacibdir. Amma mən buna birmənalı yanaşmıram, əsas olan qarşılıqlı hörmət və ehtiramdır.
AZƏRTAC xəbər verir ki, bu sözləri Qafqaz Müsəlmanları İdarəsi sədrinin birinci müavini müfti Salman Musayev noyabrın 5 də Bakıda keçirilən “Fərqliliyin rəngi festivalı”nın açılış mərasimində bildirib.
O deyib ki, 44 günlük müharibədə müxtəlif dinlərin nümayəndələri Vətənimizin suverenliyi uğrunda canlarından keçiblər. Azərbaycan Prezidentinin apardığı multikultural siyasət gələcəkdə də bizim firavan şəkildə birgə yaşamağımıza kömək edəcək.
Bölmənin digər xəbərləri
