Qubanın Bağbanlı kəndində körpələr evi-uşaq bağçası əsaslı təmir olunur
Quba, 11 yanvar, Elxan Yusifli, AZƏRTAC
Quba rayonunun Bağbanlı kəndində körpələr evi-uşaq bağçasının əsaslı təmirinə başlanılıb.
AZƏRTAC-ın bölgə müxbiri xəbər verir ki, 30 ilə yaxındır fəaliyyət göstərən tədris müəssisəsi uzun müddət təmir olunmayıb.
Birmərtəbəli, 10 otaqdan ibarət binanın ümumi sahəsi 300 kvadratmetrdir. Hazırda binada köhnə dam örtüyünün sökülməsi işləri aparılır. Qısa müddətdə yenidən qurulacaq bağçada müasir istilik və işıqlandırma sistemi qurulacaq.
Balacaların zövqünə uyğun qurulacaq uşaq bağçası, onların rahatlığını, istirahətini və ilkin biliklərə yiyələnmələrini təmin etmək üçün bütün lazımi inventarla təchiz olunacaq. Burada müxtəlif yaş qrupları üçün məşğələ və yataq otaqları, yeməkxana, həyətdə isə istirahət guşələri yaradılacaq.
Qeyd edək ki, bir ay əvvəl Quba rayonunun Amsar kəndində yerləşən körpələr evi-uşaq bağçası da əsaslı təmir olunub.
Bölmənin digər xəbərləri
