Rafael Qvaladze: Azərbaycanın öz torpaqlarını azad etməyə haqqı var
Bakı, 30 sentyabr, AZƏRTAC
Beynəlxalq hüququn normaları, BMT-nin qərarları və ədalət baxımından Azərbaycanın öz torpaqlarını azad etməyə haqqı var.
Bu fikirləri AZƏRTAC-a müsahibəsində Azərbaycanın Gürcü İcmasının sədri Rafael Qvaladze Ermənistanın son təxribatlarından danışarkən bildirib.
Azərbaycana və onun ordusuna dəstək verməyin hər bir vətəndaşın borcu olduğunu vurğulayan icma sədri deyib: “Mən inanıram ki, bu yaxınlarda Azərbaycan bayrağı qədim Azərbaycan şəhəri olan Şuşada ucalacaq. Azərbaycan Ordusu dünyada ən güclü ordulardan biridir və biz ona bu haqq mübarizəsində qələbə arzu edirik. Bütün dünya ictimaiyyətini Azərbaycan torpaqlarının azad edilməsi üçün səy göstərməyə çağırıram və Ermənistanın təcavüzkar siyasətini qətiyyətlə qınayıram”.
Bölmənin digər xəbərləri
