Rəcəb Tayyib Ərdoğan: Türk Dövlətləri Təşkilatı qarşılıqlı fəaliyyət üçün strateji platformadır
Bakı, 8 oktyabr, AZƏRTAC
Qarşılıqlı fəaliyyət üçün Türk Dövlətləri Təşkilatı (TDT) strateji platformadır. TDT yalnız mədəni birlik deyil. Dünyadakı gərginlik bütün dövlətlərə toxunur və TDT-yə daxil olan dövlətlər də bu gərginlikdən kənarda qalmır. Buna görə də təşkilat üzvləri çoxtərəfli əməkdaşlıq əlaqələrini gücləndirirlər.
AZƏRTAC “TRT Haber”ə istinadla xəbər verir ki, bu sözləri Türkiyə Prezidenti Rəcəb Tayyib Ərdoğan TDT-nın Dövlət Başçıları Şurasının Qəbələdə keçirilən 12-ci Zirvə Görüşündən qayıdarkən təyyarədə jurnalistlərə verdiyi açıqlamasında deyib.
Türkiyə Prezidenti diqqətə çatdırıb ki, TDT-yə üzv ölkələrin dövlət başçıları sərhəd və kibertəhlükəsizlik məsələlərindən tutmuş, kəşfiyyat məsələlərinə qədər bir çox sahələrdə əməkdaşlıq əlaqələrini müzakirə etdilər. “Dünyada hərbi xərclərin artırılması və təhlükəsizliyin möhkəmləndirilməsi tendensiyası müşahidə edilir. Biz bu istiqamətdə də addımlar atırıq”, - deyə Rəcəb Tayyib Ərdoğan vurğulayıb.
Bölmənin digər xəbərləri
