RESPUBLİKA GÜNÜNÜ YAPONİYADA YAŞAYAN SOYDAŞLARIMIZ DA TƏNTƏNƏ İLƏ QEYD EDƏCƏKLƏR
Yaponiyanın Osaka şəhərində fəaliyyət göstərən Azərbaycan-Yaponiya Dostluq Cəmiyyətinin sədri Rəhman Şahhüseynli AZƏRTAC-a bildirmişdir ki, bayram münasibətilə bir sıra tədbirlər keçiriləcəkdir. Bayram ərəfəsində Cəmiyyətin “Qafqaz-Xəzər Salonu” adlı Azərbaycanı tanıtım-təbliğat proqramının açılışı olmuşdur. Proqramın başlanğıcı kimi, mayın 27-də Osakada Azərbaycanın dövlətçilik tarixinə həsr olunmuş seminar keçiriləcəkdir. Seminarda Azərbaycanın dövlətçilik tarixi, 1918-ci il mayın 28-də Şərq aləmində ilk demokratik dövlət olan Azərbaycan Xalq Cümhuriyyətinin yaradıldığı və bu tarixin ölkəmizdə təntənə ilə qeyd olunduğu barədə Yaponiya ictimaiyyətinə ətraflı məlumat veriləcəkdir.
Yaponiya-Azərbaycan Dostluq Cəmiyyətinin üzvləri bu əlamətdar gün münasibətilə Azərbaycan xalqını ürəkdən təbrik edir, əmin-amanlıq, sülh və səadət arzulayırlar.
Bölmənin digər xəbərləri
