Rəvan Həsənov: BBMM Dərbənddən Həmədana qədər Azərbaycan xalqının mədəni irsini öyrənməyə çalışır
Bakı, 27 dekabr, AZƏRTAC
Bakı Beynəlxalq Multikulturalizm Mərkəzi (BBMM) Dərbənddən Həmədana qədər böyük Azərbaycan xalqının mədəni irsini öyrənməyə çalışır. Bu o demək deyil ki, bizim hər hansı ərazi iddialarımız var. Tariximizi parça-parça öyrənsək, bu, bizim elmimizdə boşluqlar yaradacaq.
AZƏRTAC xəbər verir ki, bunu Bakı Beynəlxalq Multikulturalizm Mərkəzinin icraçı direktoru Rəvan Həsənov təmsil etdiyi qurumun 2023-cü il ərzində çap etdirdiyi nəşrlərin təqdimat mərasimində çıxışı zamanı deyib.
Bütün Azərbaycan xalqına məxsus tarixi öyrənməyin vacibliyinə diqqət çəkən R.Həsənov əlavə edib: “Biz xalqımızın mədəni irsini öyrənib təbliğ etməyə çalışırıq. Xarici platformalara əsasən mənbə lazımdır. Bakı Beynəlxalq Multikulturalizm Mərkəzi beynəlxalq təşkilatdır. Beynəlxalq arenada da boş ifadələrlə mübarizə aparmaq mümkün deyil. Həqiqətləri çatdırmaq üçün elmi faktlar lazımdır”.
Bölmənin digər xəbərləri
