“Rosneft” ilə BP Sibirdə təbii qaz və neft çıxaracaq
Bakı, 21 dekabr, AZƏRTAC
Rusiyanın ən böyük neft istehsalçısı olan “Rosneft” şirkəti ilə BP Sibirdə təbii qaz və neft çıxarmağı hədəfləyir.
AZƏRTAC xəbər verir ki, bu barədə “Rosneft”in məlumatında deyilir.
Bildirilir ki, “Rosneft” Sibirdəki Yamal-Nenets Muxtar Dairəsində olan karbohidrogen ehtiyatlarının inkişaf etdirilərək təbii qaz və neft hasilatı üçün BP ilə razılığa gəlib. Bölgədə böyük həcmdə neft və 880 milyard kubmetr təbii qaz ehtiyatı olduğu bildirilir.
“Kəşfiyyat işlərindən sonra buradakı rezervlərin istehsalı da iki şirkət tərəfindən həyata keçiriləcək. Birgə layihələrdə “Rosneft” 51 faiz, BP-nin isə 49 faiz payı olacaq”, - deyə məlumatda qeyd edilir.
Qeyd edək ki, Rusiya hökumətinin 50 faizlik paya sahib olduğu “Rosneft”də BP də 19,75 faizlik payçıdır .
Bölmənin digər xəbərləri
