RUSİYA XİN ABŞ-I FAKTLARI TƏHRİF ETMƏKDƏ VƏ RUSOFOBİYANI QIZIŞDIRMAQDA TƏQSİRLƏNDİRİR
Kamıninin sözlərinə görə, bu cür məruzələr “Rusiya-Amerika ikitərəfli münasibətlərinin normal inkişafına mane olur, Rusiya cəmiyyətində ABŞ-ın Rusiya barəsində siyasətinin qərəzliliyi barədə hisslər doğurur, habelə Amerika cəmiyyətində ruslara nifrət meyillərini təşviq edir”.
RF XİN rəsmisi ikili standartlar barəsində bildirmişdir ki, “insan hüquqları ABŞ-ın özünün daxilində pozulur” və “Əfqanıstan və İraqda humanitar hüququn hamılıqla qəbul edilmiş normalarından ciddi yayınmalar müşahidə olunur”. O vurğulamışdır ki, ABŞ da daxil olmaqla, heç bir ölkə insan hüquqlarına əməl edilməsi baxımından ideal deyildir.
Xatırladaq ki, ABŞ Dövlət Departamentinin məruzəsində deyilir ki, Rusiyada hakimiyyətin Kremldə cəmləşdirilməsi prosesi davam edir. Məruzənin müəllifləri qubernatorların müstəqim seçkilərinin ləğv edilməsini nəzərə çarpdırırlar. Dövlət Departamentinin fikrincə, yeni sistem hökumətin seçicilər qarşısında hesabat verməsini məhdudlaşdırır və icra hakimiyyətinin səlahiyyətini gücləndirir. Məruzənin müəllifləri Şimali Qafqazda insan hüquqlarına riayət olunması sahəsində vəziyyətin pisləşdiyini də qeyd etmişlər.
Bölmənin digər xəbərləri
