Rusiyada koronavirusun yeni iki variantı formalaşıb
Moskva, 19 aprel, AZƏRTAC
Rusiyada koronavirusun yeni variantları formalaşıb.
AZƏRTAC xəbər verir ki, bu barədə Rusiya Federal İstehlakçıların Hüquqlarına və İnsan Rifahı Sahələrinə Nəzarət Xidmətinin (“Rospotrebnadzor”) rəhbəri Anna Popova məlumat verib.
Onun sözlərinə görə, ölkədə koronavirusun “Sibir” və “Şimal-Qərb” variantları formalaşıb. COVID-19-un Rusiyada mutasiyaya uğramış variantları hələlik xarici ştammların heç birinə uyğun gəlmir.
Qeyd edək ki, koronavirusun artıq “Britaniya”, “Cənubi Afrika” və “Braziliya” və digər ştammları mövcuddur. Hazırkı peyvəndlərin bu ştammlara qarşı yetərli olması barədə mütəxəssislərin vahid rəyi yoxdur.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
