RUSİYADA SAXTA ALKOQOLLU İÇKİLƏRDƏN ZƏHƏRLƏNİB ÖLƏNLƏRİN SAYI ARTIR

27.10.2006 [15:14]
Çap et
A⁺ A^-

Rusiyanın bir sıra şəhər və qəsəbələrində surroqat alkoqoldan zəhərlənənlərin sayı sürətlə artmaqdadır. Pskov vilayətində və Vladimir vilayətinin Murom şəhərində fövqəladə vəziyyət rejimi tətbiq edilmişdir, İrkutsk vilayətinin rəhbərliyi də bu cür tədbir görülməsini nəzərdən keçirir. Son həftələr tərkibində spirt olan maddələrdən zəhərlənmə nəticəsində onlarca adam ölmüş və mindən çox adam “toksik hepatit” diaqnozu ilə xəstəxanaya qoyulmuşdur.

AZƏRTAC “Novosti” agentliyinə istinadla xəbər verir ki, son günlər İrkutsk vilayətinin xəstəxanalarında surroqat alkoqoldan zəhərlənmiş daha dörd adam ölmüş və həlak olanların ümumi sayı 19 nəfərə çatmışdır. Stasionar müalicədə olan 470 adamdan 139-nun vəziyyəti ağırdır. Vilayətin xəstəxanalarına hər gün toksik hepatit əlamətləri olan azı 70 adam gətirilir.

Kirov vilayətində surroqat alkoqoldan 21 nəfər zəhərlənərək ölmüş, toksik hepatit diaqnozu ilə 240-dək adam xəstəxanaya düşmüşdür. Pskov vilayətində isə zəhərlənmədən 15 adam ölmüş, 450-dək adam toksik hepatit diaqnozu ilə xəstəxanalara çatdırılmışdır.

Ölkənin digər regionlarında da zəhərlənmədən ölüm halları var.

RUSİYADA SAXTA ALKOQOLLU İÇKİLƏRDƏN ZƏHƏRLƏNİB ÖLƏNLƏRİN SAYI ARTIR

MÜƏLLİFLƏ ƏLAQƏ

Bölmənin digər xəbərləri