Rusiyanın Rostov vilayətində qasırğanın minlərlə insanı işıqsız və susuz qoyduğu açıqlanıb
Bakı, 26 iyul, AZƏRTAC
Ötən gün Rusiyanın Rostov vilayətində əlverişsiz hava şəraitinin yaratdığı fəsadların aradan qaldırılması istiqamətində tədbirlər davam etdirilir.
AZƏRTAC bu barədə yerli mediaya istinadla xəbər verir.
Bildirildiyinə görə, Rostov vilayətində əlverişsiz hava şəraiti nəticəsində elektrik enerjisi kəsintiləri 14 bələdiyyədə 102 icmaya təsir göstərib. Kəsilmələrin aradan qaldırılması üçün hazırda 600-dən çox insan çalışır.
Rostov-na-Donu şəhərində baş verən təbii fəlakətdən sonra Volqodonsk və Çertkovski rayonlarında fövqəladə vəziyyət, Novoşaxtinsk, Krasnosulinski, Aksayski və Azovski rayonlarında isə yüksək hazırlıq vəziyyəti elan edilib.
Bölgədə su təchizatında da fasilələr yaranıb, Rostov vilayətinin 42 mindən çox sakini susuz qalıb.
Qeyd edək ki, iyulun 25-də Rostov vilayətində qasırğanın yaratdığı külək ağacları aşırıb, tikililərin damlarını qoparıb və elektrik xətlərinə zərər vurub. Əlverişsiz hava şəraiti 50-dən çox insanın tibbi yardıma müraciət etməsinə səbəb olub. Onlardan 10-dan çox şəxs, o cümlədən 1 uşaq xəstəxanaya yerləşdirilib, 1 nəfər dünyasını dəyişib.
Bölmənin digər xəbərləri
