Şagirdlər üçün proqramlaşdırma və riyaziyyat üzrə “Qış onlayn-kvesti”nə qeydiyyat aparılır
Bakı, 16 dekabr, AZƏRTAC
“Rəqəmsal bacarıqlar” layihəsi çərçivəsində şagirdlər üçün proqramlaşdırma və riyaziyyat üzrə “Qış onlayn-kvesti”nə qeydiyyat davam edir.
Azərbaycan Respublikası Təhsil Nazirliyi nəzdində Təhsil Sisteminin İnformasiyalaşdırılması İdarəsindən AZƏRTAC-a bildirilib ki, “Qış onlayn-kvesti”nə qeydiyyat 8-11 və 12-15 yaş qrupları üzrə aparılır.
Yarışma dekabrın 25-də başlayacaq və 31-də yekunlaşacaq. Müsabiqədə şagirdləri maraqlı süjet xəttinə malik sərgüzəştlər gözləyir.
Xatırladaq ki, “Qış onlayn-kvesti”nə qeydiyyat noyabrın 16-dan başlanıb.
Bölmənin digər xəbərləri
