Sahibkarlığın İnkişafı Fondu "Sənayenin inkişafına dəstək" adlı müsabiqə keçirir
Bakı, 1 mart, AZƏRTAC
Sahibkarlığın İnkişafı Fondu (SİF) sənaye, o cümlədən kənd təsərrüfatı məhsullarının emalı sahələrində fəaliyyət göstərən sahibkarlara güzəştli kreditlərin verilməsinin stimullaşdırılması məqsədilə müvəkkil kredit təşkilatlarının nümayəndələri arasında "Sənayenin inkişafına dəstək" adlı müsabiqə keçirir.
Fonddan AZƏRTAC-a bildirilib ki, qaliblər müsabiqə şərtləri daxilində Azərbaycan Respublikası Sahibkarlığın İnkişafı Fondunun vəsaitləri hesabına maliyyələşdirilmiş və sənaye, o cümlədən kənd təsərrüfatı məhsullarının emalı sahələrində fəaliyyət göstərən mikro, kiçik və orta sahibkarların layihələrinin sayı əsas götürülməklə müəyyənləşdiriləcək. Müsabiqəyə ən çox layihə təqdim etmiş ilk 3 iştirakçı mükafatlandırılacaq.
Müsabiqə aşağıdakı şərtlər əsasında keçirilir:
-Kreditlər yalnız sənaye, o cümlədən kənd təsərrüfatı məhsullarının emalı sahələrində fəaliyyət göstərən mikro, kiçik və orta sahibkarlıq subyektlərinin investisiya layihələrinə verilməlidir;
-Müsabiqədə Fond tərəfindən 2023-cü il martın 1-dən iyulun 1-dək kredit ayrılmış mikro, kiçik və orta sahibkarlıq subyektlərinə məxsus layihələrin sayı əsas götürülür.
Bölmənin digər xəbərləri
