Şahmatçılarımız “Yaz festivalı”na uğurla başlayıblar
Bakı, 10 aprel, AZƏRTAC
Macarıstanın paytaxtı Budapeştdə şahmat üzrə “Yaz festivalı” start götürüb.
AZƏRTAC xəbər verir ki, Azərbaycan şahmatçılarının qatıldıqları turnirin artıq ilk turunun oyunları keçirilib. Yarışda təmsilçilərimiz ilk partiyaları məğlubiyyətsiz başa vurublar. Belə ki, Vüqar Əsədli ukraynalı Boqdan Borsos, Nail Bəşirli isə macarıstanlı David Tranı məğlub edib. Zaur Bayramov isə rusiyalı Artyom Timofeyevlə heç-heçə edib.
İkinci turda V.Əsədli Hindistan təmsilçisi Şantanu Bhambure, N.Bəşirli bu ölkənin digər idmançısı Sundar Şyam, Z.Bayramov isə erməni Aram Hakopyan ilə qarşılaşacaq.
Turnirdə 36 ölkədən 150-yə yaxın şahmatçı mübarizə aparır.
Bölmənin digər xəbərləri
