Şalva Papuaşvili: ABŞ-ın gürcü xalqına qarşı hücumu davam edərsə, cavabsız qalmayacaq
Tbilisi, 24 sentyabr, AZƏRTAC
ABŞ tərəfdən gürcü xalqına qarşı hücum bu şəkildə davam edərsə, bizim də konkret cavabımız olacaq. Amma biz görəcəyimiz tədbirlər barədə əvvəlcədən danışmırıq.
AZƏRTAC xəbər verir ki, bu sözləri Gürcüstan parlamentinin sədri Şalva Papuaşvili Gürcüstanın Birləşmiş Ştatlardakı səfirinin geri çağrılması ilə bağlı məsələni şərh edərkən deyib.
Onun sözlərinə görə, məsələ bu şəkildə davam edə bilməz. Ona görə ki, bu, həm də ABŞ-ın öz maraqlarına cavab vermir. “Ümid edirik ki, ABŞ-ın Gürcüstanla münasibətlərinin yanlış trayektoriyası dəyişəcək və ədalətli məcraya qayıdacaq" - deyə, Papuaşvili vurğulayıb.
Xətayi Əzizov
AZƏRTAC -ın xüsusi müxbiri
Tbilisi
Bölmənin digər xəbərləri
