Samuxda 1848,5 hektar sahədə yazlıq bitkilərin əkini aparılıb
Samux, 22 aprel, Rauf Hacıyev, AZƏRTAC
Samux rayonunda bu ilin birinci rübündə 1848,5 hektar sahədə yazlıq bitkilərin səpini aparılıb.
Rayon Statistika İdarəsindən AZƏRTAC-ın bölgə müxbirinə bildirilib ki, yazlıq səpinin 845 hektarı və ya 45,7 faizi çoxillik otlar, 116 hektarı və ya 6,3 faizi kartof, 390,5 hektarı və ya 21,1 faizi tərəvəz, 422 hektarı və ya 22,8 faizi günəbaxan, 19 hektarı və ya 1 faizi şəkər çuğunduru, 42 hektarı və ya 2,3 faizi yazlıq arpa, 5 hektarı və ya 0,3 faizi yazlıq buğda, 5 hektarı və ya 0,3 faizi birillik otlar, 4 hektarı və ya 0,2 faizi paxlalılar olub.
Bu ilin məhsulu üçün aparılmış yazlıq bitkilərin əkininin 1550 hektarı və yaxud 83,9 faizi ailə kəndli və ev təsərrüfatlarının, 298,5 hektarı və yaxud 16,1 faizi isə kənd təsərrüfatı müəssisələrinin payına düşüb.
Hazırda təsərrüfatlar yazlıq bitkilərin əkinini davam etdirirlər.
Bölmənin digər xəbərləri
