Şəhid Faiq Qasımovun şəxsi əşyaları “Anadır arzulara hər zaman Qarabağ” sərgisində nümayiş olunur
Bakı, 10 fevral, AZƏRTAC
Şəhid Faiq Qasımovun şəxsi əşyaları Azərbaycan Milli Elmlər Akademiyasının Milli Azərbaycan Tarixi Muzeyinin Vətən müharibəsi fondunda qorunur.
Bu barədə AZƏRTAC-a Tarix Muzeyindən məlumat verilib. Bildirilib ki, şəhidin şəxsi əşyaları hazırda “Anadır arzulara hər zaman Qarabağ” sərgisində nümayiş olunur.
Qeyd edək ki, polkovnik-leytenant Faiq Qasımov 44 günlük Vətən müharibəsində - 2020-ci il sentyabrın 27-də Füzuli istiqamətində gedən döyüşlər zamanı şəhid olub. İkinci Şəhidlər xiyabanında dəfn edilib.
Faiq Qasımova ölümündən sonra “Vətən Müharibəsi Qəhrəmanı” adı verilib. “Vətən uğrunda”, “Xocavəndin azad olunmasına görə”, “Füzulinin azad olunmasına görə” medalları ilə təltif edilib.
Bölmənin digər xəbərləri
