MƏDƏNİYYƏT
Şəhid rejissor Vaqif Əhmədov adına təqaüd növbəti dəfə təqdim edilib
Bakı, 14 fevral, AZƏRTAC
Cəfər Cabbarlı adına “Azərbaycanfilm” kinostudiyasının şəhid rejissor Vaqif Əhmədov adına təsis etdiyi təqaüd növbəti dəfə təqdim edilib.
Kinostudiyadan AZƏRTAC-a bildirilib ki, Azərbaycan Dövlət Mədəniyyət və İncəsənət Universitetinin elmi şurasının qərarı ilə təqaüdə rejissorluq ixtisası üzrə təhsil alan 4-cü kurs tələbəsi Binyamin Sailov layiq görülüb.
Qeyd edək ki, təqaüd kinostudiya ilə universitet arasında 2015-ci ildə imzalanan birgə əməkdaşlıq haqqında niyyət protokolu əsasında təsis edilib. Təşəbbüsün əsas məqsədi peşəkar kino məktəbinin istedadlı davamçılarını aşkar etmək, iddialı tələbələrə dəstək olmaqdır.