Şəhidlər xiyabanı müqəddəs ziyarətgahdır
Bakı, 19 yanvar (AZƏRTAC). Şəhidlər ölmür, onların əbədi uyuduqları bu xiyaban isə müqəddəs ziyarətgahdır. Yalnız hər il yanvarın 20-də deyil, şəhidlərimizi daim yad edirik. Onlar dünyadan köçsələr də, biz gənclərin qəlbində əbədi məskən salmışlar. Onlar həm də bizim üçün vətənpərvərlik nümunəsidir. İnanıram ki, şəhidlərin əməllərini özümüzə nümunə götürə bilsək, tezliklə torpaqlarımızı da işğaldan azad edəcəyik.
Yeni Azərbaycan Partiyası Gənclər Birliyinin üzvü, Bakı Slavyan Universitetinin tələbəsi Rüfət Həşimov 20 Yanvar şəhidləri ilə bağlı kədərini AZƏRTAC-a müsahibəsində bu sözlərlə ifadə etmişdir. O demişdir ki, yanvarın 20-də Şəhidlər xiyabanına gəlməyi və şəhidlərimizin müqəddəs xatirəsini ehtiramla yad etməyi özümə borc bilirəm.
Bölmənin digər xəbərləri
