ŞƏHİDLƏR XİYABANINDA 20 YANVAR ÜMUMXALQ HÜZN GÜNÜNƏ HAZIRLIQ İŞLƏRİ GÖRÜLÜR
Bakı, 16 yanvar (AZƏRTAC). 20 Yanvar faciəsinin 20-ci ildönümü ilə bağlı Şəhidlər xiyabanında hazırlıq işləri görülür.
Bakı Şəhər İcra Hakimiyyətinin təşəbbüsü ilə görülən tədbirlər çərçivəsində xiyabanın ətrafı təmizlənir, təmir və abadlıq işləri aparılır. Paytaxtın mənzil-kommunal təsərrüfat idarələrinin əməkdaşları xiyabanda təmizlik işlərinə cəlb edilmişlər. Təmizlik işləri xiyabanın girişindən şəhidlərin ruhunu əbədiləşdirmək məqsədi ilə ucaldılmış abidə kompleksinə qədər olan ərazini əhatə edir.
Xüsusi nəzarətə alınan hazırlıq işlərinin əsas mərhələlərindən biri də Niderland Krallığından gətirilən gızılgül kollarının əkilməsidir. Güllər əsasən xiyabanın ətrafında və giriş hissəsində əkilir. Ümumilikdə ərazidə 10 minə yaxın gülün əkiləcəyi planlaşdırılır.
Şəhidlər xiyabanı Qanlı Yanvar faciəsinin 20-ci ildönümündə ziyarətə gələnləri tər çiçəklərlə qarşılayacaqdır.
Bölmənin digər xəbərləri
