Sel suları Naftalanda bir sıra fəsadlar törətmişdir
Naftalan, 20 may (AZƏRTAC). Aramsız yağan yağış Naftalan şəhərində bir sıra fəsadlar törətmişdir.
Naftalan şəhər fövqəladə hallar komissiyasının sədri Arzu Məmmədovun AZƏRTAC-a verdiyi məlumata görə, Goranboy rayonunun Hacallı və Qarqucaq kəndləri ərazisindən Naftalan şəhərinə daxil olan sel suları şəhərin elektrik təsərrüfatına xeyli ziyan vurmuşdur.
Sel suları şəhərin giriş hissəsində 200 metrədək, eləcə də “Cinar” sanatoriyasının 100 metrədək istinad divarını uçurmuşdur. Bundan əlavə, Qasımbəyli kəndində evlərin zirzəmilərini su basmış, təsərrüfatlara xeyli ziyan dəymişdir.
Hazırda dəymiş ziyanın aradan qaldırılması istiqamətində tədbirlər görülür.
Bölmənin digər xəbərləri
