SƏMT QAZI İLƏ BAĞLI RAZILAŞMAYA ƏMƏL EDİLİR
bp-Azərbaycan şirkətindən AZƏRTAC-a bildirmişlər ki, “Mərkəzi Azəri”, “Qərbi Azəri” və “Şərqi Azəri” platformalarından hasil olunan səmt qazının sualtı kəmərlə Səngəçal terminalına gətirilməsi və buradan daxili istifadə üçün “Azəriqaz”ın şəbəkəsinə təhvil verilməsi uğurla davam edir.
“Çıraq” platformasından hasil olunan səmt qazının bir hissəsi isə ARDNŞ-in Neft daşlarındakı kompressiya stansiyasına göndərilir. “Azəri-Çıraq- Günəşli” (AÇG) platformalarından hasil olunan səmt qazının qalan hissəsi lay təzyiqinin saxlanılması məqsədi ilə yenidən kollektora vurulmaq üçün yataqlararası sualtı qaz kəmərləri vasitəsilə kompressor və suvurma platformasına (KSP) nəql olunmaqdadır.
Cari ilin tapşırığına uyğun olaraq, AÇG səmt qazının 1,4 milyard kubmetri ARDNŞ-ə təhvil verilməli idi. Amma ilin əvvəllərində əldə olunmuş razılığa əsasən, yanvarın 1-dən başlayaraq ARDNŞ-ə gündə 8 milyon kubmetrə qədər qaz təhvil verilir ki, bu da nəzərdə tutulandan təqribən 3 dəfə çoxdur.
Bölmənin digər xəbərləri
